Akunnittarfinni unnuisut aammalu akunnittarfinni inissisimasut

Kvartalit aappaanni unnuisarnerit katillugit 64.821-iusimapput. Tamanna ukiup siulianut saniliullugu 14,2 pct.-inik amerleriarneruvoq. Unnuisut amerlassusaat piffissami uani katillugit 24.595-iusimapput, taamaasillunilu unnuisut ukiup siuliani piffissamit pineqartumit 11,3 pct.-inik amerlanerupput. Agguaqatigiissillugu inuk ataaseq ullut 2,7 akunnittarfimmi unnuisarpoq.

 

Titartagaq 1. 2014-imit 2016-imut kvartalit aappaanni unnuisut amerlassusaat

Najoqqutaq: http://bank.stat.gl/tunhot

 

Akunnittarfinni unnuisut 56,1 pct.-ii Kalaallit Nunaanninngaanneersimapput, 22,3 pct.-ii Danmarkiminngaanneersimallutik aammalu 21,6 pct.-ii nunanit allaninngaanneersimallutik. Katiterinerlu ukiup siulianut piffissamut pineqartumut sanilliullugu annikitsuinnarmik allannguuteqarpoq.

 

Titartagaq 2. 2014-imit 2016-imut kvartalit aappaanni akunnittarfinni inisisimasut inuiaassusaat malillugit

Najoqqutaq: http://bank.stat.gl/tunhot

 

Unnuinermik naatsorsueqqissaarneq unnuisarfiit 45-t suleqatigalugit qaammatikkaarlugit nalunaarsuisarnerannit tunngaveqarpoq. Unnuisarfiit tallimat, qaammatillu katillugit aqqaniliusut siornamiit nalunaarsuinerit malillugit naatsorsorneqarallarput. Tamatumunnga peqqutaavoq akunnittarfiit pineqartut piffissaq nalunaarsuiffissaq angumerinngimmassuk, kingusinnerusukkullu tamanna iluarsineqassamaarpoq.